Diamars den careda di 11:00 PM atrobe a mira con un adicto ladron ta horta den auto. Esaki a sosode den Blauwesteegstraat, cu ta keda patras di corte.
E auto ta di un empleado cu a laga su vehiculo riba e tereno habri pa asina bay traha. E ladron a cana cerca mira ki tur tin den e auto y djey para banda di e baki. A mira rond pa despues bula den e baki di pickup. A forsa e bentana patras y logra habri e lock. Djey baha pa subi e auto y keda basta rato ta busca cos pa horta den e cabina.
Probablemente ora e doño yega e lo haya su auto full reboltea y faltando pertenencia. E problema di adicto ta hopi grandi den Playa y tur dia tin mas y mas victima ta cay. Esaki ta net den e area di Blauwesteeg patras di Fundacion pa Nos Comunidad. Pues hopi cerca di centro di ciudad.
