Diahuebs anochi alrededor di 8:30 pm polis a presenta riba beach na Palm Beach caminda un turista a bira victima di ladronicia. Ta trata di un famia di cuater, cu tin a penas algun dia riba nos isla pa disfruta di nos beach, un di esunnan mas bunita na mundo.
E grupo, procedente di Colombia, na dado momento a sinti nan mes na nan pais, caminda no por confia di laga pertenencia un rato sin cu tin cu worry. No ta un sentimento positivo mirando cu no ta algo cu sa pasa cu frecuencia.
A descubri cu a horta tas y telefon di e turista. Polis y personal di e hotel a tuma tur informacion p’asina cuminsa cu e investigacion necesario. A activa mas polis den e area pa yuda busca e malhechor, e individuo anti-Aruba cu a horta nos turistanan.
No ta nada straño cu polis lo pone man riba dje den e proximo oranan nos dilanti.
