Diasabra marduga, pa mas of menos 3:30, dos patruya a dirigi nan mes na un adres situa den Tanki Leendert. Aki ta caminda cu e habitantenan a descubri algun persona desconoci cu intencion di horta un scooter for di ey.
E personanan cu ta biba den e area a mustra polis unda e scooter tabata ta y cu despues di un rato a disparce. Mientrastanto e polisnan a tira un bista patras di e cas y a tuma tambe tur dato necesario. Un otro patruya a core rond den e area p’asina wak si nan por topa cu e scooter of kisas cu e ladronnan pero no a topa cu nada.
