E artista local Chris Vrolijk, conoci como Krizs, pronto lo saca un cantica nobo. Ta trata di un cover, e cantica original ta di Jonas Brothers titula Five More Minutes. Vrolijk ta e cantante, Anuar van der Linden t’e productor cu a reproduci e cantica.
A reproduci e cantica den un genero di salsa. Locual ta mas remarcabel, ta cu e cantica ta den Ingles. Pues no algo usual, un salsa na Ingles. Desde december 2020 a cuminsa cu produccion di e cantica, tanto video como audiovisual. Dialuna awo e cancion lo ta riba tur plataforma social y tambe na bo radio preferi.
Persona nan cu a forma parti di e cantica ta: Diego Henriquez (baho), Jeanoir Koolman (guitara), Danny Koolman (piano), Dennis Savala (brass) y Rosu (coro). A graba e videoclip den Komedo Aruba, pa dialuna e cantica lo sali compaña cu su video. Vrolijk ta invita tur hende pa solicita e cantica y pa abona na su canal di
Youtube: https://www.youtube.com/channel/UCsLuCSUUkemK48A8Zmw8M1Q.
