Durante aña 2017 a bin cu e prome edicion di Kompas. Prome cu esey a haci diferente investigacion ora cu a ripara cu studiantenan no ta haya suficiente sosten y informacion na Hulanda.
Eynan a dicidi cu ta bay cuminsa duna e apoyo aki, brinda e studiantenan cu e informacion pa asina nan por tin mas siguridad ora cu nan bay Hulanda, segun Deon Bisslik, presidente di Stichting Kompas for students.
E tayernan aki ta basa riba experiencia.
Viviana Lopez-Paz, secretaria di e Stichting Kompas for students, a haci su masters den Imagineering, cual ta business innovation from the experience prespective, unda cu nan ta enfoca riba experiencia di studiante y a haci tambe tayernan den un manera unda cu e experiencia di nan ta central. Esaki ta nifica cu nan ta bay haci cosnan mas hands-on. Por ehempel den un tayer cu tin di budgetering, ta sumila un mercado, unda cu nan mes ta bay siña haci budgetering, plan nan dia, wak bon con y cuanto placa nan ta saca na cuminda, por ehempel.
Tambe e student experience, unda cu tin otro studiantenan cu tambe ta comparti nan experiencia pa asina enrikece e conocemento di e studiantenan cu ta bayendo Hulanda awo.
Segun Bisslik, e contenido completo di e workshopnan cu Kompass a mira cu ta necesario cu por presenta na e studiantenan cu un bon sosten pa bay Hulanda, ta nifica cu e studiantenan mester sa riba nutricion, cu tin cu ta cambia ora nan bay Hulanda. Tin por ehempel e schijf van vijf, cu Ibisa a duna informacion. Nan ta duna presentacion y flyer y ta comparti kico e cambionan lo bay ta.
Despues di lesnan di cushinamento, cu e prome parti, cual e studiantenan ta haya pa traha galiña stoba, pa nan bay cu un receta di cas hunto cu nan na Hulanda.
Esaki ta wordo duna pa Stichting Mobis, cu ta tuma e prome dia ta tuma un gran parti di full e dia, pa asina por logra habri e studiantenan tambe na otro, pa por bouw op un comunidad.
Den e di dos dia, ta bay concentra mas riba e parti di seguro cu nan lo bay topa cun’e na Hulanda. Tin parti di Algemene Kennis, cu nan ta haya. Ta papia over di Belastingnan, con por deal cu esaki.
E di tres dia y final ta repasa kico e experiencianan di studiantenan ta. Anna Donata, cu a participa na e prome edicion di Kompass, a bay Hulanda despues y e aña aki e temporada aki e tey na Aruba, y a para voluntario pa yuda y asina duna su experiencia tambe na e studiantenan, pa asina e studiantenan sinti mas cerca di kico ta un informacion cu awor aki ta pasando. Dado cu awo ta pasando y no den pasado.
Ta cuminsa cera den e di tres dia, e di dos parti di cushinamento, cual ta un tipo di brunch, unda cu e studiantenan ta traha un desayuno. E desayuno aki, door cu Hulanda ta keda move hopi lihe y tin hopi estudio cu tin cu bay haci, hopi proyecto y huiswerk, nan por converti e desayuno aki den un lunch, unda cu nan por hiba cu nan na scol pa e ta mas facil pa nan por tene nan mes bon, saludabel y bon nutri.
Aña pasa, despues cu a haci e dos dianan di workshop, a ripara cu e demanda pa e sosten ta hopi halto. Pa e motibo aki a expande e dos dianan ey den tres dia di workshop. E aña aki e grupo tabata casi dobel mas grandi compara cu aña pasa. Ora cu e studiantenan di e aña aki yega Hulanda, ta haci un reencuentro cu nan, pa asina por keda mantene contact y mantene un tipo di apoyo cerca nan cu nan sa cu nan no ta nan so na Hulanda.
Den experiencia di Bisslik, ora el a bay Hulanda, el a bay studia MBO. E no a haya e tipo di sosten aki, pasobra na MBO bo no ta haya un lening di Aruba pa bo por mantene bo mes. Pa e motibo aki tin di su banda di experiencia.
Viviana cu si a haya e lening aki, a pasa den su mesun experiencianan tambe, cual door di e experiencianan aki, cual hopi diferente cu tabata malo pa otro studiantenan, a ripara cu e necesidad ta hopi grandi pa e studiantenan por sinti nan mes no nan so ora nan bay Hulanda, esta cu ora nan ta na Aruba, nan no ta haya suficiente informacion pa ora cu subi riba avion, nan por sinti nan mes sigur di nan mes.
Ora cu nan yega Hulanda, nan ta pasa dos pa tres dia di un sorto di procedura cu nan ta haya por ehempel nan BSN, nan bankrekening, un tipo di cas. Den e dianan ey despues nan ta wordo laga los. Eynan ta pone mas enfasis, pa asina cu e studiantenan por sinti cu nan ta den un comunidad.
Mientras tanto durante aña pasa y e aña aki, tabata tin un grupo di Whatsapp, pa por comunica tur dia cu e studiantenan, cu nan por sinti cu nan por puntra. Hasta ta bisa nan cu por yama anytime. Semper si ta disponibel pa nan por sigui den oranan cu nan ta pega.
Trahando e comunidad aki na Hulanda, e studiantenan mes ta haya pa yuda otro studiantenan. Esey ta e esencia di kico un comunidad ta, pa bo yuda otro pa por sigui bouw op, na kico ta bo futuro y na kico ta bo siguridad den e proceso di integracion di un pais leu y den un cultura nobo.
