Mas sigur ta un klapchi bieu. Diabierna anochi alrededor di 9:20 pm polis y ambulance a presenta cu urgencia na Tsing Yi Supermarket na Piedra Plat p’un caso serio.
Aki ta caminda cu klapchi a rementa den man di un persona. Segun a mira camara di siguridad; a nota con a cende un batata y den algun seconde a rementa, cerca di e man. E victima, di edad halto, tabata keha di basta dolor. Ambulance a transport’e cu urgencia pa hospital p’asina nan por brind’e atencion medico. Ta stimula un y tur pa ta cauteleso cu tiramento di klapchi.
