Durante un ceremonia den fin di siman, Esther Emerencia-Gomes, Presidente saliente di Kiwanis Club of San Nicolas, a entrega mandato na e Presidente recien eligi. E directiva nobo ta presidi pa Giandra de Cuba.
E Presidente saliente a repasa e diesdos lunanan tras di lomba y a bisa cu e periodo aki a pasa bay hopi lihe. Tabatin mas meta poni pa traha riba nan, pero e tempo no a duna. “Mi ta hopi satisfecho cu locual nos hunto a logra como club. E tabata un esfuerso colectivo, di un team di lider pa ehecuta un sin fin di proyecto di impacto pa desaroyo di hoben, mucha y comunidad en general.”
E anochi aki a probecha pa reconoce e trabou inmenso realisa.
E Presidente nobo Giandra de Cuba, kende su prome posicion den e club tabata Director of Children & Youth Services, y a ocupa e funcion aki durante dos aña y mey. Tambe a acumula experencia di liderazgo como preparacion pa e siguiente paso cu ta e presidencia di e club.
Hoben y mucha ta un di e metanan principal cu e lo bay traha riba dje, pero tambe riba temanan di famia, sostenibilidad y innovacion. “Traha di un forma mas efectivo pa tin impacto mas grandi den comunidad,” de Cuba a bisa.
