Lider- y sostenedonan di e partidonan CURPA, PUEBLO PROME, HTC y UPP, a presenta na oficina di gobernador pa asina entrega un carta di protesta riba e hecho cu gobierno no kier duna e partidonan e kiezersregister y esey nan no ta acepta.
Segun Eric Ras, lider di CURPA, e prome punto e principionan di bon gobernacion ta cu mester tin un eleccion transparente. Den e caso aki e kiezersregister ta di importancia pa ora cu sa ken tin derecho di vota y ken no.
Kitando e kiezersregister ta trece un inkietud den pueblo. E hendenan kisas cu no ta riba e kiezersregister tambe por bin vota y ningun hende no tin control riba dje. Pa sesenta aña largo caba e control ta cu semper ta entrega e kiezersregister.
Lider di HTC, Gilbert Webb, a comenta nan no ta acepta tipo di cosnan asina, sea Conseho Electoral of prome minister ta tuma decision riba nan mes sin consulta cu e partidonan politico, ta na unda cu ta buscando e derecho. Transparencia ta prioridad. Gobierno ta papia di integridad y transparencia, wel aki ta caminda e ta cuminsa, segun Webb.
Lider di PUEBLO PROME, Michael Williams a remarca cu pueblo ta testigo di e democracia cu ta reina na Aruba.
E ta elogia e partidonan cu a uni diaranson mainta dilanti oficina di gobernador. “Beter laat dan nooit,” ta loke cu Williams a remarca. Si berdaderamente a uni prome cu e eleccion aki, por a bisa awe cu e partidonan aki lo sali victorioso.
Booshi Wever, representante di UPP, a comenta cu democracia ta bibo, uniendo asina na e iniciativa di CURPA.
Unda cu tin un democracia bibo, no tin luga pa tipo di cosnan asina, unda cu e prome minister, un siman prome cu eleccion ta bin cu un medida asina. Wever no ta kere cu esaki ta na su luga.
AVP a bin cu e ley aki na 2011, awe kier bin hunga cu wega hipocrita y bisa cu nan tambe ta contra. Pero nan tambe tin culpa di e mal gobernacion cu tin awo. Ta cla cu e dos partidonan aki tin cierto miedo riba e partidonan cu no tin representacion den parlamento.
Lider di POR tambe tabata forma parti di partido AVP e tempo ey cu a bin cu e ley aki.
UPP ta contento cu e partidonan cu no tin representacion ainda den parlamento a uni, pa asina mustra pueblo den su totalidad cu nan ta contra di e corupcion. Tin paso cu tin cu tuma. Tin corupcion, segun Wever. Pero ta bisa tambe con mester haci y kico mester haci pa exactamente mara man di e politico, cu ta e solucion pa saca Aruba for di e abismo cu e ta aden awe.
Pa mas detaye lesa matutino TREMPAN.
