Awe riba 27 di November 2022, e duo dinamico di Brainer Lampe y Disjonrick Jacobs ya caba ta riba caminda pa asina cumpli cu nan hazaña historico y asina recauda fondo pa nan fundacion, esta Beyond Sports Limit Foundation.
KFC ta sintie hopi orguyoso di e duo aki, ya cu nan tin varios luna ta preparando pa asina Awe Diadomingo 27 di november nan por logra nan gran hazaña di Landa 1.9 km, core 90 km riba bais y core 21 km na pia. “RACING HOPE FOR ALL.”
Tur esaki lo sosode di e siguiente forma. Brainer Lampe lo landa e 1.9 km cu Disjonrick den un kayak inflabel, danki na Next Level Barbershop cu a duna esaki na e Duo.
Siguientemente Brainer lo subi riba su bais y akinan e lo trek Disjonrick den e Running Chair cu KFC a provee, esaki danki na e trabou hunto cu comunidad di Aruba. Unda cu cada biaha cu un persona disfruta di e 5 Piece combo di KFC e ta bay pa cubri e gasto di e grandioso running/cycling chair pa Disjonrick. E coremento riba bais lo bay ta 90 km.
Por ultimo Brainer un biaha mas lo pone tur su forsa mental y fisico pa pusha Disjonrick den e mesun running chair pa 21 km.
E meta di “Racing Hope for All” ta pa e fundacion cu Brainer y Disjonrick ta cuminsa cu ne cual ta “Beyond Sports Limit Foundation” recauda fondo y asina yuda otro personanan cu limitacionnan pa ta parti di nos comunidad activamente. Pa Disjonrick haya su fisioterapia bek, pa e fundacion por adkiri un running chair mas y tambe pa e Duo Dinamico por participa den un Ironman Internacional. Lo unico cu cada persona mester haci na Aruba ta contribui cu 1 (UN) florin. Esaki por sosode di e diferente maneranan:
Cerca e boluntarionan riba caminda:
Rotonde di San Nicolas
Rotonde di Santa Cruz
Dilanti di Power FM, Paradera
Dilanti Imelda Kleutersschool, Oranjestad
Den e buzonnan sitúa na e restaurantnan di KFC. KFC San Nicolas, KFC Santa Cruz, KFC Oranjestad, KFC Boulevard/Sasaki y KFC Palm Beach.
Por yama na e number di telefon di 5885050
Por hacie tambe via pay.aw:
- Download e app si bo persona no a haci esaki ainda
- Click riba Good Deeds
- Scohe Racing Hope For All
Por Ultimo pa ricibi Brainer y Disjonrick na final na KFC Oranjestad lo tin un gran ambiente cu
E grupo di baile Dazzling Dancers, e aerialisticanan di Davauca y Jemslly, e gran cantante Eltienne Yarzagaray, e banda musical di Mini Tsunami, e gran artista Ritmo Real
E banda musical di Robert Jeand’or, TBS Branssband, E banda musical di One of A Kind
Lo t’ey pa e gran support Jeon y Rocco y como e presentadonan Ivo Yanez y Thessaly Zimmerman.
Por sigui full e hazaña aki riba Facebook y Instagram di @TeamDisjonrick, tambe riba e rednan social di @KFCAruba. For di awor caba tin un gradicimento grandi pa tur persona y/of compania cu a colabora di un forma of otro.
