E proyecto Streettalent ta uno cu el a cuminsa cu e productor Genard Mohamed, miho conoci como Karixon a bin cu ne seis aña pasa tempo cu el a bay biba na Hulanda. E ta un proyecto unda cu e ta cana den caya na Hulanda pa busca musiconan di caya pa traha cantica cu nan.
E proyecto aki tabata un exito na Hulanda y a bira viral. Despues el a pensa cu mester traha episodio, pero pafo di Hulanda.
El a dicidi di bay Colombia y a haci dos set. E episodio na Bogota a bay viral, unda cu el a ricibi mas di mey miyon views.
Y awo el a bin cu e episodio na Medellin, unda cu e musiconan mes a aprecia masha hopi mes loke e ta haciendo.
“Ora bo ta riba caya na Colombia, canando rond cu un camara y ta topa cu un musico di caya, prome cos cu nan ta puntra, kico bo ta haciendo,” el a splica.
Pero ora cu mustra video di e episodionan haci na Hulanda, nan ta compronde e concepto. Nan ta aprecia e iniciativa aki.
E proyecto aki ta pa duna e musiconan di caya un plataforma pa demostra mundo nan talento.
Pa un cobertura mas amplio lesa e edicion di TREMPAN.
