Kuerpo Polisial ta partisipá ku durante marchanan di Karnaval, lo monitor tur moveshon di forma bibu (pues al instante) pa medio di kámaranan di vigilansia ku tin a lo largu di henter e ruta.
Tambe polis ta partisipá ku e Sentro di Komando lo ta alkansabel via e number grátis 915, un ora promé, durante di i te un ora despues di e respektivo marchanan. Na e number 915 por mèldu tur insidente òf duna i/o tuma informashon ku ta direktamente relashoná ku Karnaval. Tene na kuenta ku e number 915 lo ta aktivo únikamente riba e dianan di e marchanan i durante di e marchanan. Den e Sentro di Komando, ta sinta personal di Krus Kòrá, Fundashon Kuido di Ambulans, Brantwer, Polis i personal di Komishon di Karnaval. For di e sentro aki ta kordiná e trabounan ku e servisionan di emergensia i komishon mester hasi durante di e marchanan. E otro numbernan di polis 911 pa kasonan di urgensia i 917 pa kasonan no urgente ta keda na vigor.
