Un biaha mas e conocinan di polis Kabouter y Judesca ta den luz di noticia. A haya nan den pleno Toque de Queda riba caya. Nan a trata di desvia di polis, pero no a logra.
E hecho aki a sosode rond di 3’or di marduga. Polis di Playa cu tabata riba caya dado momento a tuma nota di un auto Hyundai Tucson color cora kima tabata core den Paraguaystraat. No solamente durante TDQ e auto ta move riba caya, pero e luznan tabata paga. Esaki tabata sea pa sconde di polis of pa haci maldad. Pero pa mala suerte di e chauffeur tabatin polis den bisindario.
Na momento cu a logra para e vehiculo aki a bin constata cu tabata un conoci di nan, esta Kaboute, y e tabata compaña pa otro conoci di husticia, Judesca.
A detene ambos, no pa TDQ, pero pa motibo cu tin un ordo di detencion pa ambos. A detene e otro persona cu tabata cu nan tambe pa violacion di TDQ.
