Partido MEP y su aliado RAIZ y danki tambe na POR y RED, Aruba a haya su premio y condecoracion real cu ta un Rijkswet unda Hulanda lo tin control ariba Aruba manera tabata den pasado ora Aruba tabata un colonia Hulandes. Despues di shete aña di malgastamento di placa, na biahamento rond di mundo, despues di a cera refineria y laga Citgo bay for di Aruba cu 300 miyon dollar, despues di tanto medida pa gobierno haya mas placa pa gasta na friends and family,despues di a aumenta prijs di coriente y awa,schoolgeld y pone medida nobo manera BBO na frontera, Partido MEP y su aliado RAIZ y danki tambe na POR y RED, Aruba a haya su premio y condecoracion real cu ta un Rijkswet unda Hulanda lo tin control ariba Aruba manera tabata den pasado ora Aruba tabata un colonia Hulandes.
Despues di tanto lucha cu a cuminsa tempo di Henny Eman ,Shon A Eman y sigui despues te na Betico Croes , oficialmente nos a perde nos status aparte ,danki na un gobierno cu no a haci ni un proyecto,ni un caminda nobo,ni un edificio ,ni un school nobo,no a haci nada pa e pueblo di Aruba y cu a gaba cu nan si a logra un surplus pa nan por sigui gasta placa di pueblo. A pesar cu dia di Rey a pasa,Aruba a logra haya su condecoracion Real pa medio di un Rijkswet. A gasta placa sin haci nada pa pueblo y Gobierno Hulandes a dicidi di tuma Aruba over bek. Esey ta e motibo principal. Gastamento di placa na famia y amigonan y biahamento rond di mundo sin logra nada pa Aruba.
Shete aña di miseria,ningun progreso pa ningun hende,ningun trahado den sector priva a bay dilanti den su salario. Arubiano no por a haya tereno den shete aña. No a traha ni un cas social pa hendenan den necesidad di vivienda. A pone cu nos grandinan tin di paga remedi y ta nenga un aumento di pension pa nos grandinan por sobrevivi.
Coriente ta bay tur dia pa falta di inversion door di a chica placa for di Elmar pa asina MEP keda malgasta placa di pueblo y pa tur esaki nos a logra cu Hulanda a pone Aruba bou di curatela na unda ta Hulanda lo dicidi kico lo haci cu placa cu nos ta genera door di nos turismo,na unda Hulanda lo saca probecho di tur placa cu nos hendenan cu ta traha duro tur dia pa nos turismo sigui crece. Un Aruba cu no a haya ni un cen preto di Hulanda regalo ora Aruba a drenta status aparte na 1986 cu un refineria cera,na unda hopi di nos hendenan mester a bay laga Aruba e tempo aya ora Lago a cera .Ta AVP bou di liderazgo di Henny Eman a pone Aruba bek ariba pia y pone Turismo di Aruba bira e pilar number uno di nos economia sin ayudo di Hulanda.
Ta nos propio hende nan a pone e isla aki ariba pia bek y pa awo nos propio hendenan cu ta MEP y RAIZ,RED y POR ta pone tur e esfuersonan aki bay perdi y traicionando nos trahadonan y esunnan principalmente den turismo ,di un housekeeper,na e hardinero, na e waiternan cu ta duna servicio asina bunita nan nos turistanan. Den 7 aña bou di gobernacion di MEP, trahadonan den e sector di turismo no a haya ni un cen extra pa nan esfuerso y trabou pa Aruba logra un recuperacion economico despues di Covid. Awo ta cada cen preto cu Aruba genera door di nos hendenan den turismo ,ta Hulanda lo ta esun cu ta dicidi na unda cada cen lo bay y sigur e no lo bay pa nos trahadonan den turismo,e no lo bay pa nos pensionadonan por haya nan aumento mereci y tampoco no lo bay bay pa logra baha awa y coriente.
Pero asina cu AVP cu Poder di Dios y e pueblo di Aruba ta bek den Gobierno lo pone gobernacion di Aruba bek den man di pueblo ,pasobra ta pueblo di Aruba mester ta esun cu ta dicidi na unda nos placa mester bay,p’esey nos ta vota aki na Aruba pa asina tin un gobierno di y pa Aruba. Fecha di Independencia mes a wordo gescrap for di Statuut,cu ta mas halto cu un Rijkswet. Cu dialogo cu Hulanda y votando masalmente pa Partido AVP cu si no lo traiciona e lucha di ta” Baas den su mesun cas”,manera MEP cu si a traiciona e lucha y logro di nos tur,Aruba lo ta di nos atrobe,di tur cu ta biba na e pais aki y di tur cu ta stima Aruba.
