Awe mainta a tuma luga eleccion pa presidente y vice-presidente pa Parlamento di Aruba. Esaki a bay den cuater tanda di votacion pa saca dos presidente y dos vice-presidente.
A instala un comision di tres persona, kendenan tabata encarga pa haci e conteo di esaki. E comision tabata instala pa Setty Yarzagaray di MEP, Ricardo Croes di RED y Robert Candelaria di AVP. E prome tanda di votacion pa presidente Juan Thijsen a haya 11 voto, Mervin Wyatt-Ras 6 y 1 voto blanco. Den e di dos tanda pa presidente Edgard Vrolijk a haya 10 voto, Jennifer Arends-Reyes 6 voto y 2 voto blanco.
Pa vice-presidente den e prome tanda Alvin Howell a haya 9 voto, Jennifer Arends-Reyes 6 voto, 2 voto blanco y 1 voto a bay perdi. Den e di dos tanda Endy Croes a haya 11 voto, Mervin Wyatt-Ras 6 voto y 1 voto blanco. E parlamentarionan a reeligi Juan Thijsen como presidente di Parlamento y Alvin Howell como vice-presidente.
