Joseandro Chiquito ta candidato number tres riba lista di PPA y ta indica cu PPA tin un meta pa dump. Esaki naturalmente pa kita e impacto cu e tin riba medio ambiente y tambe riba e comunidad di Parkietenbos. E ta conta cu lastimamente durante di debate diabierna ultimo mensahenan tabata drenta. Mientras cu nan tabata debati, dump tabata na candela.
PPA tin solucion pa esakinan. Joseandro Chiquito, nobo den politica, tabata un sorpresa p’e. Na momento cu el a drenta, cu e tarea pa bin cu un solucion pa dump, a bin realisa cu tabatin diferente solucion den pasado pa dump. Pero PPA no ta para pa punta dede. Nan t’ey pa bin cu e solucion, bisa e solucion y traha pa e solucion cu tur partido necesario.
PPA su vision pa dump ta pa cer’e. Naturalmente mester identifica tur sushi cu ta bayendo dump cu ta tire, greenwaste, sushi di construccion, metal y tambe desperdicio medico. Sigur por sinta cu diferente compania priva pa yega na un solucion, pa nan procesa esaki pa por cera e dump mas pronto posibel.
PPA ta para pa e cambio. Por cera e dump sigur den e prome aña di gobernacion. PPA ta garantisa cu den e prome shen dianan ta sinta cu e diferente companianan cu lo por sigui procesa e sushi di dump pa por cera dump. Futuro di dump por ta varios cos. E por ta un solar park, e por ta un parke pa muchanan hunga ariba. E por ta un luga caminda bestia por biba ariba. No ta chupando solucion fo’i dede, ta cosnan cu ta existi.
Pero determinacion y solucion mester y un hende tin cu tuma e decision. Joseandro Chiquito, hunto cu su coleganan sigur ta cla pa tuma e decision pa soluciona y cera e dump.
