Mescos cu na Aruba, na Hulanda tambe tin eleccion di e monarcanan di Carnaval. E aña aki King di Kingdoms under the Sun ta den persona di Jose Henriquez. E idea semper ta pa e king of queen bay eleccion pa representa nan grupo.
Pero Jose a opta e aña aki pa no participa, door di otro compromisonan cu e tin actualmente y tambe pa motibonan laboral. Pero si e lo ta bay ta presente n’e anochi aki pero e lo ta apoyando un representante di un otro grupo.
Ademas, Henriquez ta den pleno preparacion pa un otro eleccion cual lo tuma luga otro aña. E tin un aña di preparacion, un preparacion mental y fisico. Pero tambe e salud mester ta den gran forma..
Pa loke ta e diferencia entre Carnaval di Aruba y esun di Hulanda ta cu, na Aruba bo ta custuma c’un carnaval den calor y bou di un solo.cayente.
Pero na Hulanda, e tempo ta imprediscibel. E por ta solo pero e por ta frieu tambe, cu awasero. Un diferencia grandi.
Pero semper gosa den carnaval y e animo di bo amistadnan para cant’ caminda ta loke ta duna bo e empuhe cu bo mester pa bo yega e final.
