Aruba Airport Authority a tene un reunion cu e ehecutivonan di British Airways pa informa nan riba e ultimo detayenan p’e vuelo inaugural cu ta tuma luga diadomingo.
Jo-Anne Meaux-Arends, Aviation Business Development Executive di Aruba Airport Authority, a bisa nan a intercambia diferente data y specialmente a zoom in riba e actuacion di Aruba, con e ruta ta bayendo. Y tambe kico tur e banda di aeropuerto por sostene. E reunion a bay hopi bon. Ta indica cu Aruba su bentanan ta hopi positivo y Aruba su ruta ta bayendo hopi bon.
Esey ta un bon indicacion pa aeropuerto, pasobra semper na comienso di un ruta nobo, esaki por tin su retonan. Den e caso aki nan a haya confirmacion cu Aruba ta den bon direccion. E ta un noticia positivo y diadomingo ta cuminsa cu e vuelo inaugural.
E vuelo aki ta uno poni riba schedule pa henter aña, es decir cu tur luna e ta bin. Aruba tabatin vuelo charter di e mercado di London, pero nan ta bula den cierto periodo di aña. British Airways ta un legacy carrier, cual ta un aerolinea bon conoci den e industria di aviacion. Nan ta ofrece un producto premium y Meaux-Arends a indica cu esey ta algo cu semper nan a boga p’e, pa tin un producto premium cu ta match e destinacion di Aruba.
Nan tin programa pa bula c’un avion modelo Boeing 777. E avion aki tin un capacidad di 336 stoel, di cual 32 di nan ta un club seats, cu ta e business class. E prome vuelo ta diadomingo awo y nan ta bula dos biaha pa siman, esta riba diadomingo y diahuebs. E vuelo ta sali mainta trempan desde London y ta stop pa 45 minuut na Antigua, despues sigui pa Aruba.
Pa mas lesa TREMPAN.COM.
