Diadomingo mainta, esta pa 11:00 am, a tuma luga e wega final den categoria plata di U16. E teamnan cu a topa otro na final tabata Rockets y Jets. Despues di shete inning wega a termina cu victoria pa Jets, cu a titula campeon, mientras Rockets a termina na subcampeon.
Rockets a cuminsa e campeonato tres luna pasa na ultimo luga, pero a sa di bataya pa asina yega final. Den e prome inningnan e weganan tabata basta pareu, pero un descuido di e hungadonan di Rockets, a pone cu Jets a cuminsa hinca careda.
Na final e wega a termina 14-4 pa Jets. Pitcher ganado tabata Reghan Koolman, mientras Shandrey Kock a bay cu e derota na su nomber.
Loke a hala atencion pa un wega di final tabatin un umpire na luga di mas. E umpire tabata para patras di e pitcher pa asina guia e wega.
