Dialuna, den kareda di 11’or y 35 di anochi, patruya di strand, pasando den vecindario di high rise hotel, a duna un Jeep Wrangler chens pa sali bay. E chauffeur di e Jeep Wrangler numera A-45650, lo a sali draai riba e caminda muha, perde control y bay dal riba un SUV Mercedes Benz, color cora numera A-43760 para riba acera p’ariba di caminda. Despues di a dal riba e Mercedes Benz, el a bay dal pega riba un palo di luz. A bin resulta cu e chauffeur tabata bao di influencia di alcohol. A detene e chauffeur y cu dogcatcher a hib’e warda di Shaba. Elmar tambe a wordo notifica door cu e palo di luz a dobla, y por ta peliger pa trafico. E Jeep a wordo tuma den beslag door cu e no tin ningun papel nan na ordo y takelwagen a transporta e Wrangler aki pa warda di Balashi.
