Diasabra marduga a sosode un accidente den pleno entrada hudicial. Tabata for di trempan caba cu diferente unidad di polis a cuminsa reuni na warda di recherche na Wayaca.Pa mas o menos 4:30am a sali un grupo di polis direccion Sta. Cruz. Un ora despues, pues alrededor di 5:30am a sali un di dos grupo cu tabata constisti di e team di aresto, k9 y Kustsurveillance.
Aunke cu nan a co’i diferente ruta, tur a termina na Shete 19, unda a tene un entreda hudicial relaciona cu droga. Na banda di e entrada hudicial, tin algo peculiar cu a hala atencion. Ta ora cu un Jeep di Kustsurveillance tabata baha e sero na Shete y a dal den un auto di recherche, esta un Nissan Versa color blanco y sin avisa su propio colega.
E polis investigativo no tabata na altura cu su propio colega a dal den e Versa y sigui bay sin avis’e. Ta un di nos reporteronan a avis’e, “nunca mas nan no ta siña”, asina e polis investigativo a reacciona despues di ricibi e noticia den pleno entrada hudicial.
Pa su mainta, pues diasabra, polis di trafico a presenta na warda di recherche na Wayaca pa investiga e accidente. Locual tambe tin di remarca ta cu dos jeep di e seccion aki ta core cu un banda di luz so parti patras, riba imagen por mira con e jeep ta core sin un band’i luz.
