Normalmente Scol di Polis tin un klas pa anja. Esey ta esun di mas comodo pasobra e ora tin suficiente luga pa nan por sigui e opleiding y tin suficiente docente. Segun Jeanette Richardson-Baars, a haya permiso pa cuminsa cu dos klas, pasobra a haya hopi studiante cu ta cualifica pa sigui e opleiding pa polis. E ora a pidi permiso na minister pa por cuminsa cu dos klas.
Si e anja aki bay pa un klas di 25 sigur, si atrobe tin asina hopi tanto hende cu a cualifica, ta bay pidi permiso atrobe na Minister pa cuminsa cu dos klas. E ora ey si, mester bay busca luga, mester bay busca docente pa haci’e. E ora den e basisopleiding no tin capacidad suficiente.
A bira chikito
E scol di polis pa hopi tempo, a bira chikito. Nan ta bezig cu un proyecto di un nieuwbouw pa hopi tempo. A papia cu varios di e ministernan y naturalmente ta bay sigui cu e ministernan nobo cu ta bay drenta den e Gobierno nobo, pa por yega na full un scol nobo. Por imagina cu tin 4 klas y si bo tin 2 pa 3 opleiding di polis banda di otro, bo tin Kia opleiding banda di dje. Bo tin esnan cu ta sigui BOA opleiding, e luga ta bira chikito. Ta un scol bieu di San Nicolas cu tin su problemanan di construccion. Manera dak ta like, etc. y a yega tempo pa inverti den educacion di husticia y ta bay traha riba e proyecto, wak con leu e ta yega cu esey.
Opleiding
Ta dos fase di dos anja. Den e prome dos anjanan, e studiantenan ta mas tanto na scol. Nan ta sinjando y nan ta bay stage pa nan train kico nan a sinja den practica y di dos fase, ta yam’e e zuilendnan. Nan ta bin menos na scol y ta trahando riba caya. Pero nan ta bin scol pa sinja mas over di onderwerpnan specifico, manera criminalidad, manera medio ambiente y nan mester traha proyecto of haci un presentacion. E ora, despues di tur e cuater anjanan aki, nan ta haya nan Diploma MBO4.
Polisnan ta cay afo
E reglanan ta bastante estricto. Esey kiermen ora cu ta drenta, ta haya un reglamento di scol. Esey ta bisa precies kico ta permiti y kico no ta permiti y kico ta consecuencianan si bo no ta comporta. Esey ta nifica cu durante e anja, tin biaha tin combersacion cu algun studiante, y ta kere cu e profesion aki no ta adecuado pe. E ora ta conseha e persona pa sali for di e opleiding y busca algo otro. E por ta cu un persona no ta sinja suficiente of su resultadonan no ta voldoende, of e persona tin un actitud cu ta haya cu e no ta fit cu un profiel cu tin di un agente policial. E ora eynan, door cu ta papia cada tanto luna cu nan den un dialogo, ta conseha nan kico kier di nan, con cos ta bayendo, kico kier pa nan mehora y kico ta e consecuencianan si nan no ta haci’e.
Scarsedad di polis
Ainda tin scarsedad di polis. E cantidad di polis cu mag di tin, na final ta mas of menos 600 y awor aki tin 500 y algo. Tin mester di por lo menos 1 klas tur anja, pa cover esunnan cu ta bay cu pensioen of e otronan cu ta haci algo otro. Ta keda atras ainda, pero ta bayendo den bon direccion.
Ubicacion di e polisnan
Richardson-Baars a splica cu e opleiding ta pa nan subi riba caya den surveillance. Pero a ripara cu e otro departamentonan manera recherche cu Buitengewone diensten, tambe tin un scarsedad di persona. E ultimo anjanan a duna e studiantenan cu ta cabando nan opleiding despues di 4 anja, a duna nan e oportunidad pa scoge entre e tres departamentonan pa nan bay. E ta bira e ora ey pa mita di e klas ta bay algemene dienst. E otro mita por scoge entre e recherche cu buitengewone diensten. Esey ta bayendo hopi bon, pasobra nan tambe ta haya hende cu ta fresco. Nan tin hopi energia, nan kier sinja, nan kier traha y esey ta nifica cu bo ta haya un nieuwe bloed den e departamentonan. Aunke naturalmente ta compronde tambe cu Algemene Dienst nan no ta haya tur e hendenan pa reenforsa nan dienstnan. Pero esey ta bay semper den bon overleg den e management team. Ta traha e afspraaknan riba esey y te ainda e ta bayendo bon.
