Despues di algun dia di interogacion, Jeandrick Oduber ta bek den libertad. Un rato pasa el a sali for di ward’i polis despues di algun dia encarcela pa interogacion.
A detene e yiu di ex-minister Oduber dia 26 di april. Husticia ta acus’e di fraude. “Oficialmente riba papel ta para oplichting”, asina abogado mr. Demis Illes a contesta riba nos pregunta di kico ta e acusacionnan contra su cliente, esta Jeandrick Oduber.
Inicialmente Ministerio Publico a confirma cu e ta envolvi den e caso Flamingo di cual su tata e sospechoso principal. Awe ta menciona cu e no ta directamente emvolvi pero si lo a ricibi varios fabor door di e funcion di su tata.
Ayera a prolonga su detencion cu 8 dia mas, sinembargo ya awe a suspende su encarcelacion y a dun’e su libertad. E caso tin di haber cu posibel trato preferencial ricibi fo’i su tata ora cu e tabata minister.
