Diahuebs ultimo a estrena e pelicula Judeska in da house na Aruba. Mesora el a comberti den e pelicula mas mira riba nos isla. Pa celebra e exito aki, Jandino Asporaat lo regresa nos isla dia 23 di juni proximo pa por bishita e compleho di entretenimiento Gloria durante e “Evento special Bonbini: Judeska in Da House”.
Hasta Jandino Asporaat mester a improvisa iberia creativo aña pasa durante e pandemia y e crisis di Coronavirus. Hasta mester a pospone su pelicula nobo “Bonbini Holland 3”, cu ta yena di escenanan exotico y grandi. A cambio, e comediante di 40 aña di edad a bin cu un proyecto nobo cu por realisa di un manera mas facil. Un solo personahe, un luga y menos dia di produccion. Asina a crea “Bonbini Judeska en da house.
Den e pelicula Judeska a bin hay’e ta biba durante e lockdown hunto cu un famia rico. Durante dos siman, e dos tipo di hendenan opositor di otro, a haya nan mes ta pasa tempo hunto. De hecho, tin un moral tras di tur e storianan y chistenan, segun Asporaat a confirma. “Tanto Judeska, como e famia ta lucha pa un Hulanda cu nan ta stima, anhela y kier defende. Pero na final nan tur mester a supera e lucha dificil aki. Pa por gana, nos mester reforsa otro, sino nos tur lo perde. Mi ta spera cu tur hende lo hiba e mensaje ey cas despues di sali for di cine”.
E evento ta tuma luga den Gloria riba dia 23 di juni proximo. E eventonan ta cuminsa pa 6:45 pm of 7:15 pm. Por cumpra entrada online subiendo e website https://themoviesaruba.com/gloria-imax of na box office na The Movies mes, na Gloria.
