Danilo Werleman, director di ITP Caribbean ta bisa cu 2023 a bay hopi bon y nan ta masha contento con e aña a cuminsa y tambe con el a caba. Werleman ta conta cu e clientenan a duna e sosten di ful e aña di a traha cu nan. Ta riparabel tambe con mas cliente a bini cerca. Tabata un hopi bon aña.
Pa 2024, ITP a cumpli 27 aña den 2023 y pa e aña venidero, manera ta conoci tur e añanan aki y demostra tambe, ITP lo sigui brinda e bon servicio na su clientenan. “Nos ta kere cu p’e aña cu ta bin, unicamente sorpresanan lo tin pa nos clientenan y p’e crecemento, nos ta bay duna un miho sosten.”
![](https://24ora.com/wp-content/uploads/2023/12/674A1484-1920x1280.jpg)
Actualmente ITP ta consisti di 30 empleado y pronto lo tin mas, den IT ta dificil pa haya trahado segun Werleman pa bin traha cu nan. “Pero nos ta bezig cu ne y sperando cu pa 2024 nos ta surpasa e 30 ey facilmente.”
Na prome luga, ITP kier a gradici su clientenan p’e sosten durante ful 2023 cual tabata increibel segun Werleman. Nan ta contento cu e clientenan ta contento cu e servicio, algo cu tabata riparabel ful e aña aki.
![](https://24ora.com/wp-content/uploads/2023/12/674A1483-1920x1280.jpg)
E ta un aña cu a bay hopi bon, y ta premira un 2024 hopi mas miho. Un danki y bon deseonan pa 2024 ta bay na tur cliente, sin laga afo e trahado y coleganan cu sin nan e compania no lo ta solido manera nan ta awe.
“Esey ta unicamente danki na nos coleganan, y mi ta desea nan tambe un feliz habrimento di 2024 y cu e ta un aña unicamente prospero pa nan y nos tur.”
Asina Danilo Werleman, Director di ITP Caribbean a finalisa bisando.
![](https://24ora.com/wp-content/uploads/2023/12/674A1482-1920x1280.jpg)
![](https://24ora.com/wp-content/uploads/2023/12/674A1486-1920x1280.jpg)
![](https://24ora.com/wp-content/uploads/2023/12/674A1487-1920x1280.jpg)
![](https://24ora.com/wp-content/uploads/2023/12/674A1488-1920x1280.jpg)
![](https://24ora.com/wp-content/uploads/2023/12/674A1494-1920x1280.jpg)
![](https://24ora.com/wp-content/uploads/2023/12/674A1495-1920x1280.jpg)
![](https://24ora.com/wp-content/uploads/2023/12/674A1498-1920x1280.jpg)