National Central Bureau pa Counterterrorism, Security y INTERPOL (NCTVI) Aruba ta alerta publico general riba e serie di e-mail di engaño cu ta bayendo rond, cu ta contene informacion falso y engañoso.
Tuma nota di e siguiente puntonan crucial:
1. Origen falso: E e-mailnan aki, cu ta afirma di bin di funcionario di gobierno, ta parti di un scam fraudulento cu ta destina pa gaña hende. Nos ta pone enfasis cu e comunicacion aki no ta manda pa of den nomber di ningun funcionario di polis.
2. Ignora y elimina (delete): Nos ta urgi pa cualkier persona cu a ricibi un e-mail sospechoso, supuestamente di un funcionario di gobierno, pa ignor’e completo y abstene na comparti of actua riba e contenido. Eliminacion di e e-mailnan fraudulento aki ta un paso crucial pa salvaguardia e informacion personal.
3. Informa incidente: Nos ta pidi cualkier persona cu a ricibi of ta topa c’un e-mail asina aki, den futuro informa autoridad, manera polis local. Si bo haci esey, bo por yuda na preveni mas actividad fraudulento.
4. Canal di comunicacion autentico: Nos ta recomenda publico confia unicamente den canal di comunicacion autentico pa cualkier corespondencia. Esaki ta inclui nos accountnan di media social cu ta verifica, nos website oficial of e datonan di contacto proporciona p’e fuentenan confiabel.
Pa cualkier pregunta, inkietud of mas informacion, por fabor no duda pa comunica cu nos na [email protected]. Hunto, nos por ta vigilante y proteha nos mes y otro pa bira victima di actividad fraudulento.
NCTVI Aruba
National Central Bureau pa Counterterrorism, Security y INTERPOL (NCTVI) Aruba ta un unidad nacional dedica na terorismo y siguridad. Di comparti inteligencia nacional y regional cu e comunidad global di contra terorismo, NCTVI ta yuda Aruba salvaguardia su fronteranan y fortalece su siguridad.
