International Regatta 2024 cu su diescuater edicion ta invita pueblo di Aruba pa bin disfruta di e diferente categoria di nabegacion cu lo tuma luga na Oranjestad e fin di siman aki cuminsando 28 di juni cu diescuater clase di careda: Optimists, SailQube, F11, Beachcats, Sunfishes, Lasers, Yachts Racing, Yachts Live Aboard cruisers, Yachts Multihulls, Miniatuurboats (30-35-40 inch), Windsurfers y Kites.
E Regatta su Opening Event lo ta na Regatta Village, Naptali Henriquez Speeltuin Beach, diabierna 28 di juni for di 5:00 PM pa 9:00 di anochi, pa registracion y networking. E Opening Ceremony di Regatta lo tuma luga pa 7:00 di anochi cu nabegadonan, sostenedonan y patronisadonan hunto cu tur partners presente.
Riba diasabra 29 di juni tur Class Sailing Races lo tuma luga for di 9:00 am – 4:00pm sigui pa Live Music alrededor di 5:00pm – 9:00pm cu HAERFEN POP ROCK & BLUES Band.
Riba diadomingo 30 di juni, pa henter e dia lo tin All Class Sailing Races cu caredanan tumando luga for di trempan 9:00 di mainta pa 3:00 di atardisigui cu Live Music entre 5:00 di atardi pa 9:00 di anochi cu The Originalz Band.
E ceremonia di premiacion di Regatta lo tuma luga diadomingo 30 di juni, 5:30pm pa 7:00pm (Youth 5:30pm; Adults 6:30pm.)
ARF, Aruba Regatta Foundation su vision ta pa introduci mas hende na nabegacion y hiba nan mas cerca di naturalesa y experiencianan di watersport sostenibel. Regatta ta desea na yega na mas hende hoben cu ta posibel anto introduci e alegria di nabegacion na nan tur.
Na 2023, 75 nabegado a participa den mas cu cuarenta careda, durante dos dia yena di accion y premia nan 27 trofeo, specialmente diseña pa Regatta, traha pa medio di plastic y palo recicla.
Pa 2024, Regatta su meta ta pa atrae mas nabegado, boto y publico n’e Regatta Village, cual ta situa cerca di Surfside Beach banda di Neptali Henriquez Park.
