Segun e mandatario, a splica anteriormente, ora cu e diferente studiantenan a biaha pa exterior pa diferente pais, Canada sigur esaki ta un di nan cu ta keda desaroyando segun Minister Michelle Winklaar. Kisas hopi no sa e opcion aki demasiado y ta un di e motibonan sigur cu lo kier toch trece un tiki mas informacion cerca esnan cu ta considerando esaki como un opcion cu ainda kisas ta den e fase di orientacion, kico ta loke ta e programanan cu ta encera, kico ta e proceso pa aplica. Sigur por ta contento cu por yama bon bini na hopi di e scolnan aki cu ta wordo considera top na Canada y sigur na mundo. Ta hopi contento cu por toch tin esaki. E ta un feria mas chikito si cu seis scol cu lo tey presente. Sigur esnan cu ta bay duna hopi informacion valioso na studiante y mayornan. Hopi biaha mayornan kier sa kico ta e opcion cu pa e yiu lo ta e miho opcion. Kico lo ta ofreciendo na e scol, pero tambe e pais, e ciudad, kico ta e cosnan pa nan ta importante cu nan yiu ta haya y kisas ta pafo di otro paisnan of otro ciudadnan cu por ta no ta asina faborabel como un studiante su so. Esey ta un di e peticionnan cu a haya for di e mayornan di studiantenan cu ta bisa cu lo kier toch tambe orienta su mes riba kico tur lo por ofrece y kico ta e cosnan cu mas lo afecta e yiu una bes cu e ta eynan pa un estudio.
Prestamo
Minister Hooyboer-Winklaar a comenta cu diversificacion ta un palabra por ta hopi grandi, pero si pone den detaye, ta papiando riba cada escogencia, pa cada pais ta wak cu tin cierto studiantenan cu ta mas atractivo pa nan. Den e parti financiero sigur esey ta hunga un rol hopi grandi, pasobra claro, e ta influencia e decision. Si por paga pa e estudio, kico ta e rendimento. Si ta paga pa e estudio aki, por ta na final no lo caba cu e diploma, cual tambe mester wordo considera. Por bisa cu p’esey ta un di e motibonan, e factornan envolvi pa por a reforma e parti di prestamo, e Arubalening cu a tuma luga recientemente, unda cu a crea toch mas espacio pa esnan cu kier studia na Merca of na Canada, por tin acceso na mas prestamo si ta necesario. Tin famia cu por toch yena e buraco si tin un buraco. Antes a yen’e cu nan mesun financiamento, pero sigur hopi famia y studiante no tin esey. E acceso na e parti financiero obviamente ta keda toch un aspecto hopi importante. E bon di Canada ta, tin dos cos cu toch ta influencia y ta haci’e hopi atractivo pa e studiantenan ta, cu e hecho cu bo por traha mientras cu bo ta studiante. Na otro paisnan, kisas bo por traha, pero solamente riba campus. Na Canada, una bes cu bo ta eynan como studiante, bo tin un permiso cu bo por traha part time. Claro semper ta bisa estudio ta bay bin na prome luga. No bay traha sin pone atencion riba e parti pakico bo ta eynan. Pero sigur pa studiantenan den di dos of di tres aña, e ta bira algo cu e por wordo combina cu e estudio.
E otro aspecto ta, pa esnan cu kisas no ta asina hoben, pero cu kier haci un masters of ta bayendo bek scol y tin pareha, por si bo ta wordo acepta den un programa, bo tin un visa di studiante, bo pareha tambe automaticamente ta haya acceso y tambe por bay y tambe por traha. Esey ta haci’e un opcion atrobe un tiki mas atractivo pa esnan cu kisas tin un pareha of tin un famia, pero toch kier bay bek y caba un estudio of cuminsa cu un estudio cu toch mester combina cu e parti familiar tambe cun’e.
