Polis a mobilisa mes ora den caya di San Nicolas na momento cu a bati alarma pa un supuesto caso di atraco of intento di comete atraco den Lagoweg.
Esaki a tuma luga den careda di 10:00 am ora cu a cuminsa busca rond den e area. No mucho leu, den Village, pa ta mas exacto, den Caya Sint Eustatius, polis a bin topa cu un homber cu ta cuadra cu e descripcion.
A pidi transporte policial y asina a hib’e warda pa e duna cuenta di su acto. Segun por a compronde cu el a purba di atraca un persona den area di Lagoweg, net dilanti edificio di Cruz Cora.
Polis a confisca e tas cu e tabatin den su poder tambe e momento ey.
