Fin di un relacion por hiba na acto impulsivo y desafortuna, manera e incidente cu a sosode na Sero Patrishi. Den marduga di diasabra, mas of menos 12:20 am, polis a responde na un yamada di emergencia, relaciona cu un acto di vandalismo na cas di un homber.
Un muhe, aparentemente ainda afecta p’e fin di e relacion, a yega cas di su ex-pareha y den un explosion di rabia, a bora taira di e auto di su ex-pareha, un Toyota Starlet colo blanco, numera A-75794. E muhe visiblemente altera, a ehecuta e acto aki den un intento pa expresa su frustracion y malcontento p’e relacion fracasa.
Polis a yega n’e lug’a, a tum e datonan di e incidente. Despues di esey nan a bandona e sitio y sigui cu nan patruya.
No ta conoci si nan a bin topa cu e ex-novia, ni cu nan a detene. Tampoco ta conoci si e homber a duna keho di destruccion.
