E sindicatonan a reuni cu prome minister pa stop presentatiemanagement, cual a bin na vigor dia prome di januari 2023. No ta contra pa bin cu un presentatiemanagement, pero no ta di acuerdo con e ley ta hinca den otro pasobra e no ta proteha e trahado. P’esey diahuebs mainta pa 8:00 am nan ta reuni na Wilhelmina Park y cana bay direccion Bestuurskantoor pa entrega un manifiesto contra e presentatiemanagement.
Edward Maduro, presidente di SADA, a indica cu na Aruba ta politiek verziek, cual ta un problema cu tin aki na Aruba. El a indica cu desde basta tempo e sindicatonan a expresa nan frustracion p’e Landsbesluit di Presentatiemanagement cu a bin na vigor dia prome di januari. Nan ta di acuerdo pa un tipo di presentatiemanagement, pasobra e ta poni den landspakket pa bin cu un manera pa hisa e productividad di eficiencia di aparato publico.
A bira contra esaki door dje manera cu a ehecuta esaki. A pesar cu e sindicatonan a sinta den presentacion di Departamento di Recurso Humano, ta sinti cu nunca a tene cuenta cu nan preocupacion. Ta di acuerdo pa bin cu manera pa midi presentacion, pero tin cu keda cu e parti di cuida derecho dje trahadonan. A señala na diferente ocasion cu den e ley tin mancamento y si e ley sigui cana manera e ta bay, lo tin problema grandi p’e clase trahado.
P’esey mañan pa 8:00 am nan ta warda tur miembro y no miembro na Wilhelmina Park, pa asina hunto cana direccion Bestuurskantoor. Aki nan lo entrega un manifiesto na gobierno.
