Luella Croes-Ras ta traha como Policy business Development Advisor na Idea, cu ta un centro cu ta duna informacion y guia na personanan cu kier habri un negoshi y tambe e otro meta ta, educa nan tambe.
Diamars nan tabata tin un sala yen di hende cu hopi interes. Croes-Ras a splica cu ta trata aki di un tayer cu nan a organisa pa e agricultornan, pasobra hopi di nan ta haci’e como hobby. Pero tambe por mira cu nan por bira un empresario den futuro cu esey. A dicidi di organisa e tayer aki pa duna tur e informacionnan cu nan tin mester y tur e guianan tambe, vooral e parti di tereno, higiena. Tambe tin e parti di belasting. Ta bay tin tambe successstories di e otro cunukeronan tambe. Tambe nan tin Veterinaire Dienst cu lo duna e parti di proceso pa esnan cu tin cria di bestia.
Agricultor y criadornan di bestia
Segun Croes-Ras, e prome presentador tabata di Directie Volksgezondheids dienst, Yvette Geerman. E otro presentador ta Rodney Bareño di Veterinaire Dienst entre otro. E siguiente tayer lo ta riba dia 19 di October, 24 di October y 26 di October. Tur ta mita dia y na final, e participantenan lo ricibi un certificado tambe pa esey.
Tayer
E tayer aki ta uno gratis cu a organisa cu diferente departamento departamento di gobierno ta presenta y tambe comerciante y cunukeronan cu ta existi caba, pa duna nan success story. Tambe tin un studiante cu a caba e estudio di Planten, teelt y groene technologie na Hulanda, kende tambe lo bin duna un presentacion di e ultimo tecnologianan na Hulanda riba esey.
Di unda e ideanan aki ta sali
Tin un necesidad pa esaki. Door cu ta bay hopi tayer den exterior, vooral den e parti di Caribe cu ta bezig den un proyecto cu yama Cosme, cu tin 11 otro isla mas den e proyecto aki, y nan ta enfoca hopi riba agricultura. Eynan ta haya idea cu nos tambe mester haci algo na Aruba.
Participacion di instancianan
Tin espacio pa amplia mas. Por mira cu tin algun di nan cu ta bayendo bon. No a haci e tayer aki riba su mes. Santa Rosa tambe cu tambe ta organisa mercado pa agricultornan na Aruba. Sra. Nathalie Maduro lo participa den e tayer aki.
Tambe lo tin presentacion di David Kock di Cunucu Dushi Tera, tambe tin participacion di Aguamares. Tambe Urvin Leest di Mi Simia. Tambe e parti di financiamento tin sr. Oliver Vieira di Qredits y tambe di Cunucu di Jimmy tin sr. James Ramos. Lo bay tin tambe lo tin parti di registracion di negoshi y con pa continua educa e personanan aki pa nan bira un futuro empresario bon prepara, tin Idea cu tin e tayernan cu nan ta organisa. Camara di Comercio tambe lo bin pa e parti di registracion di negoshi y tin e colega Mary Baarh di Bevestiging van Bedrijven, pa bin cu e aplicacion di parti di permiso, si esey tambe ta aplicabel pa nan. Ta depende ki forma legal di negoshi nan kier bay habri.
A purba di traha full un pakete di tayer, cu tur informacion necesario pa nan por cuminsa e stap pa bira un empresario.
