Diahuebs den careda di 3:20 am a sosode un accidente den Sero Janchi. Aki un Hyundai Tucson number A-31021 tabata bin di direccion pabou y pa un motibo of otro chauffeur a perde control dje auto y bolter.
E chauffeur a dal cu e auto contra un Suzuki Vitara number A-68462 cu tabata staciona banda di caminda. Momento di accidente e Tucson tabata e unico auto e momento ey. A sospecha cu e chauffeur tabata bou influencia di un of otro substancia. Ambos auto a sufri basta daño material.
Polis a presenta na sitio pa asina tuma tur informacion necesario dje accidente aki. Tambe tabata en espera di ambulance presenta n’e sitio pa brinda e chauffeur cualkier atencion medico y pa mira si mester a hib’e hospital.
![](https://24ora.com/wp-content/uploads/2022/07/IMG_2693.jpg)
![](https://24ora.com/wp-content/uploads/2022/07/IMG_2661.jpg)
![](https://24ora.com/wp-content/uploads/2022/07/IMG_2686.jpg)