Garage Centraal ta introduci na su linea di autonan nobo, e modelo Hyundai IONIQ 5 cu ta forma parti di e seleccion di autonan electrico. Gerente di Mercadeo Rodney Kock a mustra cu IONIQ 5 ta un modelo super bendi na e momento aki, ta un “modelo lider” pa loke ta autonan electrico na Estados Unidos.
Kock a mustra cu for di introduccion di IONIQ 5, e modelo aki a gana diferente nominacion entre otro: World Car Awards Triple Crown, cual ta inclui “Best Electric Vehicle”, “Best Design”, “Best Electric SUV”. Adicionalmente e revista prestigioso Motor Trend a reconoce e auto aki como “Best SUV of the year”, esta superando otro autonan no solamente electrico, pero tambe Hybrid cu di gasolin.
Pa loke ta aspecto di e color di e auto IONIQ 5 fuera di e colornan tradicional cu “gloss finish” tin color unico cu “matte finish” cu ta duna un toke especial na e auto aki. Ademas di e color e modelo aki tin un “Alloy Wheel” di 20 inch cu diseño exclusivo, cu ta complementa e bunita auto aki.
IONIQ 5 tin diferente otro aspectonan cu e usuario lo aprecia, cual ta inclui un espacio interior sumamente confortabel, luznan interior (ambient lighting) cu por ahusta, cu Sunroof. Ademas na momento cu ta bay “charge” bo auto y ta desea di sosega un rato, e sienta simplemente no ta djis baha, e sienta ta bay practicamente full horizontal, y ademas ta hisa un “footrest” pa sosega bo pianan riba dje. Un interior cu definitivamente tin tur aspecto di comodidad.
Alex Dijkhoff, kende ta representante di benta na Garage Centraal, durante un test drive ta mustra cu Hyundai IONIQ 5 ta e modelo di mas nobo cu a ricibi y ta un auto completamente electrico (full electric). E dashboard den e modelo aki ta totalmente digital.
E distancia cu por core cu e auto aki “full charged” na Aruba ta rond di 400 pa 450 kilometer. A duna un ehempel si charge e auto completamente (full) , lo costa solamente 20 florin cu ta un suma hopi economico, specialmente si den caso cu bo ta un persona cu ta core hopi. Dijkhoff ta mustra cu actualmente Garage Centraal tin special riba IONIQ 5 cu ta 10% di descuento.
Leo Geerman reportero di 24ora, a haya e oportunidad di por a haci un “test drive” cu e modelo di auto IONIQ 5 y a comparti su experencia di e “test drive”. “E tiki cu e ta coriendo, e stuur ta sinti masha confortabel, e bista cu tin riba caminda ta increibel. Un auto hopi stabiel riba caminda, sientanan masha confortabel. Si bo ta buscando un auto electrico, IONIQ 5 ta e modelo ideal ”, segun Geerman a relata.
