Diamars atardi alrededor di 6:20 pm polis a drenta un cas conoci na Cura Cabay caminda ta bende droga. For di algun dia tin bista riba movecionnan sospechoso n’e dicho cas, esta Cura Cabay 68. Ta sospecha cu tin varios artefacto procedente di ladronicia n’e dicho cas.
Un total di dos unidad di recherche tabata presente n’e cas hunto cu tres unidad di K9 unit. Ora polisa a yega, no a topa cu ningun hende. Parce, e personanan cu nan ta busca a pasa wak polis den nan cas y a sigui bay direccion pabou. Pero, polis ya ta altura den e tipo di auto cu nan ta move aden, hasta por sigura cu ta trata di un auto cu dos color, bahul t’un color y e auto mes otro color.
Segun testigonan a conta, tin hasta un menor di diesun aña ta para na porta, ora bo bati y pidi pa e cantidad di droga cu bo ta desea. E caso ta bou investigacion, ta pendiente mas informacion den e caso aki.
