Cu PVV por converti den esun mas grandi, e tres agencia principal di encuesta a mira esey un dia prome cu e eleccion. Cu e partido di Geert Wilders, cu 37 asiento, a bira asina grandi por cualifica di sorpresa. Peil.nl, cu tabata esun mas cercano, a obtene ocho asiento menos, I&O Research y Ipsos a obtene nuebe y dies asiento menos, respectivamente.
Riba e graficonan adhunto por mira cua tabata e resultado den e sondeo final di e tres agencianan di encuesta. E echo cu PVV a obtene un resultado mas halto cu esun di e encuestanan tin di haber cu hopi cos. No ta indica necesariamente cu e agencianan di encuesta ta robes.
Por ehempel, e encuestanan final a tuma luga prome cu e debatenan final. Ta existi e posibilidad cu hende ta cambia na ultimo momento, por ehempel despues di a mira e debate final ey of despues di a mira e encuestanan.
Manera cu por mira riba e graficonan, Peil.nl di Maurice de Hond, tabata esun cu mas cerca tabata n’e resultado real di PVV di 37 asiento, sigui pa I&O. Riba e encuesta di Ipsos, hasta VVD a sali miho para cu e partido di Geert Wilders.
ALGUN EROR DEN MIDIMENTO?
Ocho, nuebe y dies asiento incorecto? Ta obvio argumenta cu e agencianan di encuesta a kiboca por completo. E politologo y investigado Sjoerd van Heck, di Ipsos, a bisa net lo contrario.
“A midi e mesun desviacionnan den tres agencia, esey no ta un coincidencia. Si tuma na cuenta cu e otro agencianan di encuesta kiboca un of dos asiento cu PVV, lo tabatin algo malo den nos midimento. Simplemente tabatin un impulso encuanto PVV e dia prome y riba e mesun dia cu e eleccion.”
Segun Van Heck, e diferencia ta demostra en realidad cu den e ultimo oranan a sosode tur tipo di cos. Ta papia di un “fenomeno repititivo.” “Tambe nos a mira esaki na 2021 cu Sigrid Kaag di D66. Durante e eleccion anterior, VVD ta esun cu a beneficia di e efecto di e ultimo votonan.”
E investigado ta papia concretamente di un “bandwagon effect.” “Si durante e encuestanan ta papia di un partido solamente cu aspecto positivo, e ora parti di e votadonan ta sinti: eynan ta unda mi mester ta.”
BINTICUATER DISCREPANCIA EN TOTAL
Por ultimo, cual t’e magnitud di e discrepancianan di e demas partidonan? Cua t’e cantidad total di discrepancia? Den e eleccion anterior di Tweede Kamer di 2021, Peil.nl tabata esun cu menos a desvia di e resultado real, cu 22 discrepancia. E aña aki, e agencia aki di encuesta a conta un total di 24 discrepancia. I&O Research a yega n’e mesun cifra. Na Ipsos, e cantidad aki a yega 26.
Den cantidad absoluto por mira cu tambe tabatin algun discrepancia den VVD y GL/PvdA den termino relativo Partij voor de Dieren a destaca en particular: den dos colegio electoral e partido a yega na 5, el a converti den 3.
CAMPAÑA TABATA DEMASIADO CORTICO
Cu tabatin tanto diferencia entre e encuesta final y e resultado, eynan tin tambe un mensahe p’e politiconan. Ta indica cu hopi votado ainda tin duda di ultimo ora, segun e investigado Van Heck. “Parce cu, despues di tur cos, no ta mira suficientemente e diferencia entre e partidonan. Personalmente mi ta kere cu tres siman di campaña tambe ta demasiado cortico p’e votadonan. Hende tin mester di tempo pa revisa e posicion di tur e partidonan.”
Segun e periodista politico Frits Wester, ni e propio Geert Wilders lo a tribi pa soña cu 37 asiento pa PVV.
