Tin kehonan ta bin di diferente hotel, diferente trahado. FTA ta representa varios grupo di trahado den e area hotelero. Hubert Dirksz, presidente di e sindicato a splica, cu tin un demanda pa trahado actualmente y tambe tin hopi presion cu nunca a bira menos.
FTA ta mira si cu tin un trend pa saca mas di e trahado, forsa e trahado produci mas. Y sa cu den e area hotelero sigur pa loke ta housekeeping y waiter, tin trabaonan berdad hopi importante, pero cu ta rekeri un capacidad fisico hopi fuerte. Tin trahadonan pa hopi aña den e servicio aki como camarera of waiter, ta haci dificil e ora pa e por cumpli cu su trabao manera mester ta. Pesey mes e sindicato ta kere cu mester tin un forma pa haci pa un cierto tempo cu e hendenan aki ta den e funcionnan aki, cu nan por cumpli e ora cu otro funcion, basa riba nan capacidad y experiencia. Esey ta e problema cu tin. Loke tin tambe cu no ta tur empresa, pero no ta yega na bon entendimento cu e departamentonan. Den e caso aki, recurso humano ta hunga un rol hopi importante pa e relacion cu e sindicato y tin companianan no solamente pone presion, pero bo tin tambe situacionnan cu e forma cu bo ta anda cu e trahado. Tin un forma cu e sindicato ta haya cu mester tin mas respet pa e trahado. E no mester ta di un direccion.
Berdad ta paga, berdad e trahado mester conoce su derecho y su debernan. E tin cu cumpli segun e etica laboral. Bo tin un job description, bo tin exigencia, bo tin acuerdo di trabao, bo tin CAO, bo tin cu cumpli. Pero tambe bo mester tin un bon relacion y mester tin un respet pa e trahado. Hopi biaha esey ta laga hopi di desea. Tin biaha ta haya falta di e conocemento, e falta di un actitud positivo pa busca solucion di parti di gerencia, principalmente di recurso humano. No ta tur hotel ta mesun cos. No por generalisa, pero pa un gran parti ta asina, segun Hubert Dirksz.
