Diahuebs y pa e proximo dos simannan, studiantenan di O.A.A. ta participando den un proyecto den cuadro di eleccion.
E proyecto aki ta bay over di un les cu ta hayando actualmente cu ta HRW, cu ta trata politica. E docente a tuma contacto cu varios candidato politico y minister pa por splica mas. A haci nan hopi pregunta pakico tin cu vota pa nan y kico ta meta di nan cu a caba di bin nobo riba lista, kico ta nan meta cu nan a subi riba lista y cu kico nan lo yuda.
Brithany Balcazar, un studiante di O.A.A., ta conseha pa vota consciente. No ta solamente si bo mayornan vota pa un partido, bo mester vota tambe mescos cu nan. Vota pa un di nan cu ta bay haci un cambio den nos pais, cu por yuda nos y no pensa riba nan mes.
Ernst Mohamed, Docente di Administracion na O.A.A., ta conta cu tin un les di Staatsinrichting cu ta bay over di constitucion y tambe con Aruba ta sinta den otro di dia cu a bira un pais, semi independiente. Tambe con nos pais ta bayendo cu leynan y con nos parlamento, gobernador, e ministernan y e prome minister ta trahando.
Den cuadro di eleccion alumnonan a pidi pa scucha algun politico pa sa kico ta andando den politica. A entrevista nan pa sa ki partido tin e miho plan pa futuro di Aruba.
A cuminsa diahuebs y ta spera cu tin algun biaha mas pa hacie. Ta mantene cortico mirando cu eleccion lo ta otro luna y lo ta mas dificil pa e politiconan.
Ta un idea cu a realisa diahuebs y cu otro siman lo sigui, como tambe e siman despues. Ta mira con leu e ta yega. E hobennan ta haya informacion con pa vota y pakico vota. Ta trata aki di un klas di 22 studiante y a bin un klas acerca cu kier a scucha. TA trata aki di 30 persona cu ta hayando e informacion aki pa e proximo simannan.
Pa mas detaye lesa matutino TREMPAN.
