Gilbert Webb, lider di e partido politico Hubentud Treciendo Cambio (HTC) awe den oranan di mainta a presenta na oficina di Recherche na Wayaca pa entrega keho di menasa.
E hecho aki a tuma luga diadomingo na momento cu e tabata pasando banda di un supermercado den Hendrikstraat ora cu un homber a subi caminda y a par’e. E persona aki tabata exigi pa e cumpra sigaria ya cu e ta lider di partido HTC. “Na momento cu mi a nenga, e homber a dalmi un pusha na mi pecho,” Webb a splica.
Como lider di partido HTC e ta bisa di no por acepta tipo di abusonan aki. El a pasa den diferente incidente unda cu ta hack su email, ta tira piedra riba su cas. “P’esey mi a bin haci un denuncia mainta tempran y mi ta spera cu esaki ta algo cu nunca mas lo sosode.” E ta boga pa bini un cambio na Arua, cu personanan asina hoben ta zwaai riba caya.