Horcan Beryl a bira categoria 4 den ultimo 24 oranan y e prome horcan grandi (mayor hurricane) di e temporada 2024 pa lama Atlantico y Caribe.
Mirando e wobbel di horcan Beryl, ultimo proyeccion den consulta cu e diferente partnernan, entre otro Meteo Aruba, esunnan regional y hunto cu KNMI cu ta encarga cu e islanan BES a yega na e siguiente proyeccion.
E proyeccion nobo y impacto lo ta menos ariba Barbados y lo tin impacto mas riba Saint Vincent and The Grenadines, door cu horcan Beryl a move mas zuid den e ultimo 24 oranan.
Den Task Force regional tin preocupacion pa asistencia despues di pasada di Horcan BERYL door tin un otro sistema tropical cu mesun trayectorio cu horcan Beryl, cu por afecta e islanan Saint Vincent and The Grenadines.
Cu e datonan actual, horcan Beryl awo lo pasa dialuna manece diamars durante mainta na un distancia entre 280 pa 320 km, parti noord di ABC.
CMO, Meteo Aruba, KNMI y partnernan den region lo keda den e fase di monitor pa e islanan ABC pa cualkier desaroyo inusual cu horcan Beryl y pa locual ta miho conoci rabo di horcan si por influencia of impacta Aruba cu yobida torencial of local.
CMO lo keda pendiente y lo informa e comunidad a traves di prensa local di cualkier desaroyo di horcan Beryl, den caso cu lo por tin impacto ariba Aruba, considerando e ultimo 24 oranan.
Pa usuarionan di lama y boto chikito Meteo Aruba a pone un warning entrante dialuna mainta pa botonan chikito. Considerando e distancia actual y e categoria di Beryl, e lama lo bira bruto den siguiente dianan cu por significa un peliger directo pa e landado- y usuarionan di e beachnan.
