Oficina di abogado David Kock Diazreus a organisa un charla riba Kico mester sa ora di biaha, inverti y muda pa Merca. Esunnan cu a presenta a haci diferente pregunta, specialmente riba e ESTA.
Chandler Finley, abogado, a expresa di ta contento cu nan ta forma parti di oficina di mr. Kock. Diazreus ta un oficina di abogado internacional grandi rond mundo y awo ta partner cu David Kock aki na Aruba. Via e asociacion aki, nan por asisti hende di Aruba, di e area Caribense, aplica pa VISA.
El a indica cu Aruba ta un pais importante, pasobra t’e unico otro den Caribe cu tin inmigracion Mericano. Corsou ta e otro cu tin e inmigracion Mericano y otro islanan no tin. Tambe tin e ESTA, cual ta un VISA importante. P’esey nan a probecha papia con pa haya e ESTA pa bay Merca. A splica riba e echo cu si nenga e ESTA of ta pidi un otro VISA, via e oficina di abogado por yuda e persona via e consulado pa haya esaki.
Tambe a conta cu abogado Hernandez, kende tabata online. El a splica riba con pa riba habri un corporacion na Merca, con pa inverti y impuesto. E parti interesante di esaki ta cu como Aruba ta forma parti di Reino Hulandes, y como Hulanda tin un bon tratado riba impuesto, ley, negoshi y transferencia di placa, esey ta algo beneficioso p’e hendenan di Aruba.
mr. David Kock, abogado, a splica cu na fin di juni a cera un acuerdo conhunto cu oficina di abogado Diazreus. Desde e dia ey e nomber a cambia pa David Kock Diazreus. Diazreus ta un oficina Mericano internacional cu nan oficina principal na Miami. Desde cu a cera e acuerdo, esaki a trece otro dinamica n’e mercado legal di Aruba, mercado di abogado.
Awo por mira esey y pa motibo cu e oficina ta uno di completamente ley, e tin entre otro un enfoke diferente pa loke ta e parti di inmigracion. Aki el a referi e parti di migracion cu hende ta biaha, problema di ESTA, problema di VISA, ki tipo di VISA nan kier haya sea pa establece na Merca of haci negoshi pa sa ki posibilidad tin.
E abogado a expresa cu ta bon pa sa y asina ey no tuma e pasonan incorecto of tambe por ta haci gasto innecesario. Aki lo haya sosten completo tanto den e solicitud cu e persona kier haci, pero tambe con lo mester structura e empresa si ta desea di bay Merca.
E oradornan cu tabata presente n’e charla a percura pa comparti e informacionnan. Durante e encuentro a haci basta pregunta y e interes ta uno grandi. mr. Kock a expresa cu tin un comercio y trafico grandi entre Aruba cu Merca, sea den turismo como negoshi. P’e motibo ey e ta kere cu e ta un mercado interesante.
Pa mas lesa TREMPAN.COM.
