Den oranan di dia hopi hende a presenta na Censo pa busca nan duplicado di carch’i voto cu pa un motibo of otro no a hay’e.
Un ciudadano femenino a splica cu na momento el a regresa di biahe, e no a haya su carchi. P’esey el a presenta na Censo pa haya esaki. E proceso a bay lihe y a haya cu e servicio tabata bon. Pa su persona ta hopi importante pa vota, pa motibo cu e voto ta conta.
Un otro ciudadano a splica cu e proceso tabata lihe, pero pa motibo di no haya e carch’i voto na su cas el a presenta na Censo. Un ser masculino a muda y esey a pone cu e no a haya su carchi. El a busca informacion si su carchi a yega, pero e persona a inform’e di a manda e carch’i voto bek cu Postkantoor.
Mesora el a bay busca su carchi y e proceso tabata uno basta lihe. Esunnan cu a busca nan duplicado tabata pa motibo cu e carchi no a yega of tabata di biahe y no a hay’e. Nan tabata contento con lihe e proceso a bay pa por a haya esaki.
