Diabierna atardi varios yamada a drenta redaccion di 24ora.com pa obheto straño den shelo. For di tur skina di Aruba por a bira algo rondo leu den shelo. E obheto no tabata mustra di move masha y tabata riba e nubianan. 24ora.com tuma contacto cu varios instancia cu na prome instante no tabata masha na altura di kico ta pasando.
For di Wardacosta como tambe Marina Real nan a confirma cu no ta algo cu nan a lansa den shelo. Departamento Meteorologico di Aruba a logra confirma cu e obheto no ta di un instancia meteorologico den region tampoco y mas bien un sorto di algo manera un blaas.
24ora.com a consulta tambe cu varios otro experto den e tema cu a remarca cu ta un sorto di “weather of internet balloon” di algun instancia priva cu lo por a perde rumbo.
![](https://24ora.com/wp-content/uploads/2022/04/internet-balloon.jpg)
![](https://24ora.com/wp-content/uploads/2022/04/Screen-Shot-2022-04-29-at-6.21.07-PM.png)
![](https://24ora.com/wp-content/uploads/2022/04/Weather-balloon-2-1920x813.jpg)