Na inicio di 2022 HoneyPot a lansa e super hit “You don’t have to go away.” E cantica ta un tema pa conscientisa comunidad en general, specialmente e hobennan adulto cu ta cay den e stage di depresion of otro enfermedad mental.
Despues di e acogida grandi di e cancion aki, publico a pidi pa mas version. E tema ta compone pa Chayo Tromp y na diferente radio local a sali como # 1 pa siman largo ariba nan billboard. E titulo ta bisa “maske e bataya ta hopi grandi pa lucha cu ne, toch mester busca pa pasa door di dje y busca ayudo.”
E video clip y e prome version a logra impacta nos comunidad inmensamente y asina tambe a pidi pa un otro version.
Debi na e acogida, a dicidi pa lansa e Lyrics Video Clip, version acustico hunto cu Darrel Lacle (bass), Chayo ( vocal y guitara). A grab’e den studio di Hubert Thiel, cu sin duda a haci un bon trabou. E lyrics video tabata den man di e profesionalnan Dany Cruz y Marlon Dubero.
HoneyPot hunto cu tur esunnan envolvi pa e tema aki, a percura pa trec’e den un bachi nobo nobo. E biaha aki den e Version Acustico!
Danki Aruba, prensa y fanatico pa duna Honeypot un cobertura asina amplio, durante hopi aña pa sigui produci y aporta na cualkier conscientisacion, specialmente cu e tema “You don’t have to go away”,
cu awor ta dedica na un y tur!
