“Un servicio excepcional, hopi cordial y un tremendo dinner.” Esey ta loke cu Kathryn y Tyler for di Indiana a conclui di nan dinner na Tango Argentine Restaurant.
E dos bankeronan ta riba nan honeymoon, kedando na Riu Palace y puntrando nan con nan ta disfrutando nan vakantie, nan a bisa “hell yeah!” Husgando for di nan caranan sonriente, nan ta pasando hopi dushi hunto.
Na Tango, situa den Arawak Garden, casi dilanti di Riu Palace, nan a ordo e Extravaganza, celebrando nan amor den style.
Hopi pabien, Kathryn y Tyler y nos ta spera di wak boso bek pa tur boso aniversarionan di casamento.
