Diadomingo anochi Polisnan a bay cu varios unidad pura den dirección di un adres conoci na Alto Vista. E adres ta net pariba di veld di Nacional. E información tabata cu tin un pelea formal andando. Polisnan na yegada a topa un homber y un muhe. A resulta cu nan ta casa. Ambos tabata bebe y na dado momento e cos a bira un discusión y e homber a dal su casa un wanta fuerte. A cuminsa un gritamento cu pelea y discusión. Polis a ser avisa mesora.
Polis a topa ambos ainda na e sitio. A core atende cu e dama y e homber a cana bay zuid. E dama a cana bay nort. Pa ora a busca drechi di e homber el a disparce banda di e veld di Nacional den e mondi. Polis a sigui atende cu e dama cu tabata basta altera. Despues di atende cu e dama, a conclui cu ambos ta bebi y a splica e dama si e kier e por pasa warda pa entrega keho.
El a keda di bay mainta dialuna. Algun siman pasa mesun adres tabata tin problema similar y hasta a saca cuchiu pa otro. Ora Polis a yega e homber a disparce den mondi. Nan tabata tin miedo cu e lo bolbe bin y lo hinca e dama of e dama lo hinke. Pas a reina pero no a dura mucho dia.
