Diahuebs, pa mas of menos 11:45 di mainta, polis ta bay cu maximo urgencia na un adres na Santa Lucia.
Ya caba fo’i trempan polis tabata na e adres aki caba pa asina intermedia den un problema di pareha, pero e biaha aki, nan mester a bay bek, mirando cu e asunto a bay fo’i mas.
A bin resulta cu e homber a altera asina hopi, cu el a manda su pick-up riba su pareha. No a keda nada otro pa detene e homber y hib’e warda di polis na Macuarima, caminda e mester responde pa su acto.
Mientras tanto polis a laga confisca e pick-up y a laga takel esaki pa warda di polis pa mas investigacion.
