Den fin di siman tabatin hopi caso di abuso di alcohol. E barnan tabata yen di persona mirando weganan di Copa America of Euro Cup. Diferente asistencia polis a bay tanto den dia como anochi.
Un di nan tabata diadomingo despues di mey anochi ora cu un patruya a bin topa cu un persona tira na suela. E tabata riba e acera na tur su largo. Esey tabata banda di e rotonde di Sero Blanco.
A papia cu ne, pensando cu ta malo el a bira, pero mesora a tuma nota cu su caida ta otro causa. E tabata basta bou influencia di alcohol pa cual su pianan a traicion’e. Door cu el a haya un kap na su cabes a dicidi di pidi ambulance pa hib’e Poli pa atende cu e lesion cu el a haya na su cabes.
![](https://24ora.com/wp-content/uploads/2024/06/IMG_3466-1920x1440.jpg)
![](https://24ora.com/wp-content/uploads/2024/06/IMG_3468-1920x1440.jpg)
![](https://24ora.com/wp-content/uploads/2024/06/IMG_3464-1920x1440.jpg)