Diamars anochi pa mas o menos 11:45 polis a bay cu urgencia na un cas situa den Jansteenstraat. Na sitio por a compronde cu un homber a haya servicio di placer pero ora cos a caba e no tabatin maner’i paga. E situacion a bira un bululu completo den e cayanan di San Nicolas. E hende muhe a keda cu e homber su telefon estilo di “in beslag” y e homber no a keda mucho contento.
E tipo despues di a sacia su gana, a keda sin telefon, a haya ta bon di presenta bek cu arm’i candela p’asina haya su telefon bek.
Polis a haya un descripcion di e “mal pagado” y a solicita presencia di Recherche y Slachtofferhulp debi cu e hende muhe tabata basta spanta pa local a sosode.