Dialuna atardi pa mas of menos 6:20 pm, polis a presenta na un adres na Macuarima pa asina detene un homber busca pa husticia.
Sinembargo e detencion no a bay facil manera cu polis a pensa. Na momento cu a bay detene e homber, esaki a core limpi bay y sconde den mondi.
Mesora a pidi pa mas presencia policial pa yuda busca den e area. Mientras tanto e homber a logra sali for di e mondi y bay sconde den un cas den e area di Urataka. E sospechoso no a conta cu yudansa di habitantenan di e area. Bisiñanan a strob’e den su intento, door di a bisa polis unda el a bay sconde. Ta considera e homber aki como uno peligroso, esta “vuurwapengevaarlijk”, cu yudansa di patruya di Playa, Sta. Cruz, Motor Unit y hasta K9, a logra detene y transport’e pa ward’i polis. No ta conoci relaciona cu cua caso ta busc’e pa cera.
