Algo prome cu 9or diasabra anochi, e patruya di Noord a ser dirigi na un mall na Shaba. Ora polis a yega a nota un homber bou influencia di un of otro substancia. Parce el a usa un droga y pone lastra manera cocodrilo riba vloer. Polis a bay atende cu e homber aki el a bira agresivo cual motibo polis a detene mesora. Ora polis a boei e homber, e homber a cuminsa lanta y pa un of otro motibo e lo a slip cay y dal su frenta riba e rand di e stupi. El a herida su mes malamente. A manda pidi ambulance pa asina atende cu e homber aki pasobra e sla ricibi na su frenta tabata mustra basta grave. Paramediconan di Ambulance a atende cu e homber y despues a transporte pa hospital.
